ໂຄງການ

ພາບລວມຂອງໂຄງການ

INNO4Tourism ແມ່ນສະໜັບສະໜູນ ມະຫາວິທະຍາໄລຕ່າງໆໃນປະເທດໄທ ແລະ ສປປ ລາວ ໃຫ້ເກີດຄວາມສອດຄ່ອງກັບຄວາມຕ້ອງການໃນຂະແຫນງການທ່ອງທ່ຽວ ແລະ ການບໍລິການ ທີ່ມີການປ່ຽນແປງຢ່າງໄວວາ.  ໂດຍການຮ່ວມມືກັບມະຫາວິທະຍາໄລຕ່າງໆໃນເອີຣົບ, ໄດ້ປັບໃຊ້ ແລະ ແບ່ງປັນເພື່ອຍົກລະດັບຄວາມຮູ້ໃນຂົງເຂດອາຊີທາງດ້ານ ທັກສະຕ່າງໆທີ່ຈໍາເປັນ, ການປະຕິບັດເນື້ອໃນຄວາມຍືນຍົງ, ແລະ ນະໂຍບາຍຕ່າງໆທີ່ສອດຄ່ອງກັບອຸດສາຫະກໍາ.  ການຈັດ​ຕັ້ງ​ປະຕິບັດນີ້​ສະໜັບສະໜູນໃຫ້​ນັກ​ສຶກສາ​ທີ່ຮຽນ​ຈົບ​ໃນ​ອະນາຄົດ ​ແລະ ຜູ້​ປະກອບ​ອາຊີບ​ໃນ​ປະຈຸ​ບັນ​​ພັດທະນາ​ຄວາມ​ສາມາດ​ໃນ​ການ​ຄຸ້ມ​ຄອງ​ການທ່ອງທ່ຽວ​ແບບ​ຍືນ​ຍົງ, ທັກ​ສະ​ດິ​ຈິ​ຕອລ, ​ແລະ​ການ​ປະກອບ​ການ, ຊຸກຍູ້​ເສດຖະກິດ​ການທ່ອງທ່ຽວ​ໃຫ້ມີການຢືດຢຸ່ນ  ​ແລະ ສາມາດການ​ແຂ່ງຂັນໄດ້ຫຼາຍຂຶ້ນ.

ວິທີການຂອງພວກເຮົາ

INNO4Tourism ເຊື່ອມສານ ເປົ້າໝາຍກັນພັດທະນາແບບຍືນຍົງ (SDGs) ເຂົ້າ, ໂດຍສະເພາະ ແມ່ນເປົ້າໝາຍທີ 8 (SDG 8), ເຊິ່ງເນັ້ນໜັກເຖິງບົດບາດຂອງການທ່ອງທ່ຽວໃນການສ້າງວຽກເຮັດງານທຳທີ່ມີຄຸນນະພາບ ແລະ ສະໜັບສະໜູນການພັດທະນາເສດຖະກິດ. ໂດຍການມີສ່ວນຮ່ວມຂອງມະຫາວິທະຍາໄລຕ່າງໆ ແລະ ພາກສ່ວນກ່ຽວຂ້ອງຂອງອຸດສາຫະກຳການທ່ອງທ່ຽວ, ໂຄງການດັ່ງກ່າວແກ້ໄຂຊ່ອງຫວ່າງດ້ານທັກສະ, ປັບປຸງຫຼັກສູດທີ່ມີຄວາມກ່ຽວຂ້ອງກັບຂະແໜງການ, ແລະ ຊຸກຍູ້ການບໍລິການດ້ານອາຊີບພາຍໃນສະຖາບັນການສຶກສາຊັ້ນສູງ.

ຈຸດປະສົງ

ສ້າງຄວາມເຂັ້ມແຂງໃຫ້ແກ່ພະນັກງານວິຊາການເພື່ອປະດິດ ສ້າງການສຶກສາການທ່ອງທ່ຽວແບບຍືນຍົງ

​ກະກຽມເຄື່ອງມື​ໃຫ້​ພະນັກງານ​ວິຊາ​ການ​ ​ແລະ ສົ່ງເສີມຄວາມ​ຮູ້​ໃນ​ການ​ອອກ​ແບບ​ຫຼັກສູດ​ການທ່ອງທ່ຽວ​ແບບ​ຍືນ​ຍົງ ​ແລະ ​ປັບປຸງ​ວິທີ​ການ​ສອນ, ​ເນັ້ນ​ໜັກ​ໃສ່​ຜູ້​ຮຽນ​ເປັນ​ຈຸດ​ໃຈກາງ ​ແລະ ວິທີ​ການ​ແກ້​ໄຂ​ບັນຫາຊຶ່ງຈະຊ່ວຍໃຫ້​ນັກສຶກສາມີ​ສ່ວນ​ຮ່ວມ​ຫຼາຍຂຶ້ນ.

 

ຂະຫຍາຍການຮຽນຮູ້ ແລະພັດທະນາກຳລັງແຮງງານໃນການທ່ອງທ່ຽວແບບຍືນຍົງ

ຝຶກທັກສະພື້ນຖານທີ່ຈຳເປັນໃຫ້ນັກສຶກສາ, ນັກສຶກສາທີ່ຈົບການສຶກສາໃໝ່, ແລະຜູ້ຊ່ຽວຊານໂດຍຜ່ານຫຼັກສູດອອນໄລນ໌ທີ່ບໍ່ມ່ນລະດັບປະລິນຍາຕີ ທີ່ສຸມໃສ່ການທ່ອງທ່ຽວແບບຍືນຍົງ ແລະ ການທ່ອງທ່ຽວແບບອົງລວມແບບທຸກຄົນເຂົ້າເຖິງໄດ້, ການປະກອບການ, ແລະ ທັກສະທາງສັງຄົມທີ່ສໍາຄັນ, ຄຽງຄູ່ກັບໂອກາດການຮຽນຮູ້ໃນການເຮັດວຽກ.

 

ປັບ ປຸງ ການ ຮ່ວມ ມືລະຫວ່າງມະຫາວິທະຍາໄລ ແລະ ພາກ ທຸ ລະ ກິດ

ເພື່ອຊຸກຍູ້ການຮ່ວມມືໃຫມ່ລະຫວ່າງມະຫາວິທະຍາໄລ ແລະ ພາກເອກະຊົນໂດຍການເສີມສ້າງຂີດຄວາມສາມາດຂອງພະນັກງານບໍລິຫານໃນຂະແໜງການສຶກສາຊັ້ນສູງ ໃນການສ້າງກົນໄກການຮ່ວມມືກັນເພື່ອ ແກ້ໄຂຄວາມບໍ່ສອດຄ່ອງລະຫວ່າງ ຜູ້ສະໜອງແຮງງານ ດ້ານການສຶກສາ ແລະ ເງື່ອນໄຂຄວາມຕ້ອງການຂອງຜູ້ຈ້າງງານ.

ສົ່ງເສີມໃນການປັບປຸງການບໍລິການດ້ານວິຊາຊີບຂອງສະຖາບັນການສຶກສາຊັ້ນສູງໃນປະເທດລາວ ແລະ ປະເທດໄທ

ເພື່ອສະໜັບສະໜູນສະຖາບັນການສຶກສາໃນການຈັດຕັ້ງ ຫຼື ປັບປຸງຫ້ອງການໃຫ້ຄຳປຶກສາ ເພື່ອໃຫ້ຄຳປຶກສາດ້ານອາຊີບ, ແນະນຳຍຸດທະສາດການຊອກຫາວຽກເຮັດງານທຳ, ເຮັດໃຫ້ເຂົ້າໃຈຢ່າງເລິກເຊິ່ງກ່ຽວກັບຕະຫຼາດແຮງງານ, ສ້າງເຄືອຂ່າຍຂອງກັບສິດເກົ່າ, ແລະ ການຮຽນຮູ້ຈາກພື້ນຖານການເຮັດວຽກ.

ໄລຍະເວລາໂຄງການ

01/12/2023 – 30/11/2026

ໜັບສະໜູນໂດຍ

ສະຫະພາບເອີຣົບ

ໂຄງການສ້າງຄວາມເຂັ້ມແຂງໃຫ້ແກ່ຂະແໜງການ ສຶກສາຊັ້ນສູງ
(ERASMUS-EDU-2023-CBHE)